Booqashadaan oo ahayd sidii labada isbitaal ay iskaga kaashan lahaayeen wadashaqeyn joogto ah iyo hormarinta adeegyada caafimaad ayaa waxaa wafdiga kasocday isbitaalka Hodan kusoo dhaweeyay isbitaalka Jazeera Agaasimaha Guud ee Isbitaalka Jazeera Dr. Omar Dahir.Kadib shirar waqti kooban qaatay, wafdiga Isbitaalka Hodan ayaa soo kormeeray qeybaha kale duwan ee isbitaalka Taqasusiga ah ee Jazeera.Agaasimaha Guud ee Isbitaalka Hodan Dr. Maxamed Isxaq Cumar ayaa uga mahadceliyay dhiggiisa isbitaalka Jazeera iyo maamulka kale soo dhaweynta diiran ay u sameeyeen wafdigiisa isagoona ballan qaaday in kullamo kale iyo heshiisyo wada shaqeyn ay kala saxiixan doonaan labada isbitaal.— Dhammaad —
Category Archives: News
Isbitaalka Hodan oo qaabilay wafdi ka socda UNHCR Somalia.
Muqdisho, 03, November 2026 – Isbitaalka Hodan ayaa kulan wadashaqeyn dhanka adeegyada caafimaadka la yeeshay wafdi ka socday Hay’adda Qaxootiga Adduunka UNHCR Somalia.Kulankaan oo ka dhacay qolka shirarka ee isbitaalka ayaa dhanka hay’adda UNHCR waxaa ku metalayay mas’uuliyiin heer sare ah sida maamulka iyo maaliyadda, iyo madaxa shaqaalaha. Dhanka Isbitaalka Hodan, waxaa shirkaan guddoominayay Mr. Abdulkhadir Baryare, Madaxa Shaqada iyo Shaqaalaha Isbitaalka, sidoo kale agaasinka caafimaadka iyo Madaxa Horumarinta Isbitaalka ayaa shirka qeyb ka ahaa.Shirkaan ayaa looga hadlayay sidii shaqaalaha hay’adda UNHCR, Qoysaskooda iyo Carruurtooduba ay uga faa’ideesan lahaayeen adeegyada caafimaad ee Isbitaalka Hodan. Madaxda Ka socotay hay’adda ayaa ka dhawaajiyay in shaqaalaha hay’adooda ay xusheen isbitaalka Hodan taasi oo ay aad ugu farxeen Maamulka isbitaalka.Ugu danbeyn, Madaxda Kasocotay UNHCR Somalia ayaa Indha-indheyn iyo kormeer ku sameeyay qeybaha kala duwan ee isbitaalka iyagoona u riyaaqay habdhismeedka iyo adeegyada baaxadda leh ee uu bixinayo isbitaalka Hodan.—— Dhammaad ——
Isbitaalka Hodan oo kulan sagootin iyo duco ah u qabtay agaasimihii cusub ee Isbitaalka Jazeera.
sbitaalka Hodan ayaa kulan sagootin iyo duco ah u qabtay Dr. Omar Dahir, Agaasimihii Horumarinta Isbitaalka Hodan, oo hadda noqday Agaasimaha Guud Isbitaalka Jazeera.Kulanka oo lagu qabtay Isbitaalka Hodan ayaa waxaa ka soo qaybgalay madaxda iyo maamulka isbitaalka.Howlwadeennada iyo maamulka Isbitaalka Hodan ayaa qiray in Dr. Omar uu ahaa xubin muhiim ah oo ka tirsan isbitaalka, kaas oo muddo laba sano ah ka soo shaqaynayay horumarkiisa.Dr. Omar ayaa lagu xusuusan doonaa doorkii wax-ku-oolka ahaa uu ka qaatay horumarinta Isbitaalka Hodan, isaga oo la yimid fikrado kala duwan oo wax ku ool u ahaa horumarka isbitaalka.Agaasimaha Isbitaalka Hodan, Dr. Mohamed Isxaq Omar, ayaa ballanqaaday in Isbitaalka Hodan uu si dhow ula shaqayn doono Isbitaalka Jazeera, isaga oo uga mahadceliyay golaha maamulka Isbitaalka Jazeera magacaabista Dr. Omar Dahir. ………Dhamaaad…….
Gudd oonnka G olaha Mihnadlayaasha Caafimaadka Qaranka (NHPC) oo booqasho shaqo ku yimid Isbitaalka Hodan.
Guddoonka Golaha Mihnadlayaasha Caafimaadka Qaranka (NHPC) ayaa booqasho shaqo ku yimid Isbitaalka Hodan, halkaas oo ay kula kulmeen maamulka isbitaalka.Wafdiga booqashada ku yimid isbitaalka waxaa ka mid ahaa Guddoomiye Ku-xigeenka Golaha, Mr. Imran Ahmed, Xoghayaha Golaha, Dr. Omar Ahmed Qadi, qaar ka mid ah hawlwadeennada Golaha iyo xubno ka tirsan Guddiga Sare Golaha Mihnadlayaasha Caafimaadka Qaranka.Wafdiga waxaa soo dhoweeyay Dr. Mohamed Isxaq Omar, Agaasimaha Isbitaalka Hodan. Kulanka ayaa labada dhinac ku yeesheen is-weydaarsi afkaar kala duwan oo ku saabsan sidii loo xoojin lahaa wada-shaqeynta iyo iskaashiga u dhexeeya Golaha iyo Isbitaalka Hodan.Kulanka ka dib, wafdiga Golaha NHPC ayaa soo indha-indheeyay qaybaha kala duwan Isbitaalka Hodan, iyagoo xog ka helay adeegyada caafimaad isbitaalku bixiyo iyo hawlaha kala duwan uu qabto.Booqashadan ayaa qayb ka ah dadaallada lagu xoojinayo xiriirka iyo wada-shaqeynta hay’adaha caafimaadka, si loo horumariyo adeegyada caafimaadka iyo tayada daryeelka bukaannada.Dhamaad
Isbitaalka Hodan oo tababar u qabtay ardayda kulliyadaha Daawada iyo Qalliinka Jaamacadda Ummadda Soomaaliyeed.
Isbitaalka Hodan ayaa tababar caafimaad u qabtay ardayda Kulliyadda Daawada iyo Qalliinka ee Jaamacadda Ummadda Soomaaliyeed, kuwaas oo ku jira sannadihii ugu dambeeyay ee waxbarashadooda.Tababarka ayaa ardayda lagu barayay habka loo qaado xogta iyo taariikhda caafimaad ee bukaanka, iyo sida bukaanka si habboon looga waraysto xaaladdiisa caafimaad. Arrimahan ayaa muhiim u ah qiimeynta iyo ogaanshaha xaaladda caafimaad ee bukaanka.Tababarka waxaa bixinayay Dr. Yasir Balla, , oo ah dhakhtar ku takhasusay Cudurrada Guud iyo Cudurrada Caloosha iyo Mindhicirrada (Internal Medicine and Gastroenterology).Isbitaalka Hodan wuxuu door muhiim ah ka qaadanayaa horumarinta aqoonta iyo xirfadaha jiilka cusub ee xirfadlayaasha caafimaadka Soomaaliyeed, isagoo siinaya ardayda fursado ay ku xoojiyaan aqoontooda iyo khibraddooda caafimaad.Isbitaalka Hodan wuxuu aaminsan yahay in horumarinta iyo soo saarista xirfadlayaal caafimaad oo tayo leh ay qayb muhiim ah ka tahay horumarinta caafimaadka dalka, iyadoo Isbitaalka Hodan uu yahay Hoyga Haldoorka Caafimaadka Soomaaliya.______Dhamaad___
Guddoomiyaha Baarlamaanka Koonfur Galbeed oo soo booqday Isbitaalka Hodan.
Guddoomiyaha Golaha Wakiillada Dowlad-Goboleedka Koonfur Galbeed Soomaaliya, Dr. Mahad Maxamed Sheekh Xasan, ayaa booqasho ku yimid Isbitaalka Hodan.Intii uu booqashada ku guda jiray, Guddoomiyaha ayaa kormeeray qeybaha kala duwan ee Isbitaalka Hodan, isagoo warbixin ka dhageystay maamulka Isbitaalka oo ku saabsan adeegyada caafimaad, takhasusyada kala duwan iyo horumarka uu isbitaalku sameeyay.Dr. Mahad Maxamed Sheekh Xasan ayaa ku ammaanay maamulka Isbitaalka Hodan adeegyada caafimaad ee tayada sare leh iyo adeegyada cusub ee casriga ah ee Isbitaalku ku soo kordhiyay bulshada Soomaaliyeed.Maamulka Isbitaalka Hodan ayaa uga mahadceliyay Guddoomiyaha booqashadiisa, iyagoo xusay muhiimadda ay leedahay xoojinta xiriirka iyo wada-shaqeynta bulshada, hay’adaha iyo xarumaha caafimaadka. ……………….Dhamaad…………..
Guddoomiyaha Guddiga Madaxa-bannaan Xuquuqul Insaanka Qaranka oo booqasho ku timid Isbitaalka Hodan.
Guddoomiyaha Guddiga Madaxa-bannaan ee Xuquuqul Insaanka Qaranka, Dr. Maryan Qasim Ahmed, ayaa booqasho ku timid Isbitaalka Hodan. Guddoomiyaha waxaa booqashada ku wehliyay qaar ka mid ah xubnaha Guddiga Madaxa-bannaan Xuquuqul Insaanka Qaranka.Wafdiga ayaa waxaa Isbitaalka Hodan ku soo dhaweeyay Agaasimaha Guud ee Isbitaalka, Dr. Mohamed Isxaq Omar, iyo qaar ka mid ah maamulka sare isbitaalka.Intii ay booqashadu socotay, wafdigu waxay kormeer ku sameeyeen qaybaha kala duwan ee Isbitaalka Hodan, iyagoo xog ka dhageystay maamulka iyo shaqaalaha isbitaalka, kana warbixiyay adeegyada caafimaad ee uu isbitaalku bixiyo.Qaybta Qalliinka Saalada, wafdiga waxaa ku soo dhaweeyay Dr. Sadam Abdirahman, Madaxa Suuxdinta Isbitaalka Hodan, asigoo wafdiga siiyay warbixin ku saabsan adeegyada qalliinka iyo suuxdinta ee isbitaalka.Booqashadu waxay qayb ka ahayd is-dhexgalka iyo xog-wadaagga hay’adaha qaranka iyo xarumaha caafimaadka, iyadoo diiradda lagu saaray adeegyada caafimaad iyo ilaalinta xuquuqda bukaannada…….Dhamaad……………..
Wafdi ka socda Hay’adda Duulista Rayidka Soomaaliyeed soo booqday Isbitaalka Hodan.
Isbitaalka Hodan ayaa maanta martigeliyay wafdi ka socday Hay’adda Duulista Rayidka Soomaaliya (SCAA), kuwaas oo u yimid qiimeyn iyo kormeer la xiriira adeegyada caafimaad ee isbitaalka.Wafdiga waxaa hoggaaminayay Dr. Alex, oo ah Madaxa Caafimaadka Hay’adda Duulista Rayidka Soomaaliya, Agaasimaha Centre for Aviation Medicine, isla markaana ah wakiil CASOA.Wafdiga isbitaalka waxaa ku soo dhaweeyay Dr. Ibrahim H. Ali, Madaxa Waaxda Gargaarka Degdegga ah ee Isbitaalka Hodan, ahna dhakhtar caafimaadka Hay’adda SCAA ah..Ujeeddada booqashada ayaa ahayd in wafdigu qiimeyn ku sameeyo adeegyada caafimaad ee Isbitaalka Hodan, si Isbitaalka Hodan u bilaabo baaritaannada caafimaadka shaqaalaha Hay’adda Duulista Rayidka Soomaaliya.
Isbitaalka Hodan oo soo gabagabeeyay tababar ku saabsan suuxdinta iyo daryeelka bukaanka oo u qabtay xirfadlayaasha caafimaad oo ka socda Isbitaalka Dankaab ee Kismaayo.
Isbitaalka Hodan ayaa soo gabagabeeyay tababar xirfadeed oo ku saabsan suuxdinta, daryeelka bukaanka iyo adeegyada qalliinka, kaas oo loo qabtay xirfadlayaal caafimaad ka socday Isbitaalka Dankaab ee Kismaayo.Tababarka waxaa ka qayb galay 8 xirfadle caafimaad, kuwaas oo kala ahaa 2 xirfadle oo ka tirsan qaybta suuxdinta, 1 xirfadle oo ka tirsan qaybta daryeelka degdegga ah (ICU), iyo 5 kalkaaliye-caawiye oo ka hawlgala qolka qalliinka (OT).Tababarku wuxuu diiradda saaray horumarinta aqoonta iyo xirfadaha shaqaalaha caafimaadka, gaar ahaan dhinacyada suuxdinta, daryeelka bukaanka, badbaadada qalliinka iyo habsami-u-socodka shaqada qolka qalliinka.Munaasabadda xiritaanka tababarka waxaa daahfurtay Lilia Garcia Salinas, Madaxa Qolka Qalliinka ee Isbitaalka Hodan, oo ka hadashay muhiimadda tababarrada noocan oo kale ah iyo kaalinta ay ka qaataan kor u qaadista tayada adeegyada caafimaadka. Waxay sidoo kale xustay faa’iidooyinka ay tababarka ka heleen xirfadlayaashii ka qayb galay.Sidoo kale, munaasabadda waxaa ka hadlay Mr. Omar Mohamed, Madaxa Kalkaaliyeyaasha Caafimaadka Isbitaalka Hodan, oo xusay muhiimadda iskaashiga, wadaagga aqoonta iyo is-dhaafsiga khibradaha caafimaad ee u dhexeeya xarumaha caafimaadka Soomaaliyeed.Ugu dambayn, shahaadooyinka tababarka ayaa la guddoonsiiyay ka qaybgalayaasha, waxaana shahaadooyinka bixiyay Dr. Sadam Abdirahman Mohamud, Madaxa Qaybta Suuxdinta iyo Daryeelka Degdegga ah ee Isbitaalka Hodan.Isbitaalka Hodan wuxuu sii wadi doonaa dadaallada lagu horumarinayo xirfadaha shaqaalaha caafimaadka iyo xoojinta iskaashiga xarumaha caafimaadka Soomaaliyeed, si loo helo adeegyo caafimaad oo tayo leh, badbaado leh, isla markaana waafaqsan heerarka caafimaad ee casriga ah.
Hodan Hospital iyo Vitality Vitamin Drips oo maanta Muqdisho ku kala saxiixday heshiis iskaashi.
Isbitaalka Hodan iyo shirkadda Vitality Vitamin Drips ayaa maanta magaalada Muqdisho ku kala saxiixday Heshiis Iskaashi, kaas oo lagu xoojinayo lana horumarinayo adeegyada caafimaad dalka.Heshiiskan ayaa dhigaya in Vitality Vitamin Drips ay gudaha Hodan Hospital ka hirgeliso oo ay ka shaqeyso adeegyo ku saabsan baaritaanka heerarka iyo noocyada kala duwan ee fiitamiinnada muhiimka u ah jirka aadanaha, iyadoo sidoo kale adeegyada ku saleysan natiijooyinka baaritaanka loo fulinayo si waafaqsan habraacyada caafimaad.Dhanka kale, Hodan Hospital ayaa Vitality Vitamin Drips u diyaarinaysa goobta adeegga iyo taageerada lagama maarmaanka u ah adeegga bukaannada, iyadoo labada dhinac ay iska kaashanayaan sidii bulshada loogu soo bandhigi lahaa adeegyo caafimaad oo tayo leh oo casri ah.Hodan Hospital iyo Vitality Vitamin Drips ayaa sidoo kale sheegay inay sii wadi doonaan iskaashiga iyo horumarinta adeegyada caafimaad si loo daboolo baahiyaha sii kordhaya bulshada.